Zalduondoko inauteriak

Zalduondoko pertsonaia nagusia Markitos da. Zalduondoko inauteriak dira Arabako nagusiak. Markitos trajez jantzita doa, gehienbat beltzez, baina urte batzuetan beste kolore batez joan da. Kamisa zuri bat darama, gainean gorbata bat darama. Smokin bat dauka eta praka eta zapata elegante batzuk. Ondo janzten da bere epaiketa eta hilketarako. Lepoan kolore zuri eta gorriko arrautzez osatutako lepokoa darama. Buruan txapela bat darama. Markitosen gorputza lastoz beteta dago, hobeto erretzeko. Aurpegi bezala maskara bat darama eta urtero erre aurretik kentzen diote urrengo urtean berriro erabiltzeko. Goizean meza entzun ondoren Markitos herritik paseatzen da eta jateko orduan makil handi batean jartzen da. Jan eta gero, Markitos berriro paseatzen da herritik asto baten gainean. Zalduendoko pelotalekuan epaiketa bat egiten zaio herriari urte horretan gertatu zaizkion gauza txar guztien errua bera daukala esanez. Azkenean erretzen da eta herriak haren inguruan dantzatzen du.

Beste pertsonai batzuk agertzen dira Zalduondoko inauterietan: Ziripot, Hartza eta ardiak, Aitona eta amona eta errautsak botatzen dituen aitona.

Laudioko inauteriak

Laudioko inauterietako pertsonai nagusia Leziagako sorgina da. Esaten da lehen Leziagako kobazuloan emakume bat bizi zela. Hor, bere ilea laztantzen pasatzen zuen eguna. Urrezko orrazi batekin laztantzen zuen bere ilea eta bere kantuekin Laudioko artzainak erakartzen zituen. 1982ean inauteri hau berrartu zen eta urte horretatik urtero ospatzen da jai hau. Sorgina herritik paseatzen da eta hiru egun geroago erre egiten dute.

Amurrioko inauteriak

Bere pertsonaia nagusia Kakarro Birigarro da. Ziripot euskal folklore taldearen ikerketak esaten du lehen igandean ospatzen zela eta umeak baserritik ateratzen ziren Kakarroz mozorrotuta. Burua eta aurpegia zakuz edo oihal beltzekin eta txapelekin eta arropa iluna janzten zuten. Puxika batekin ateratzen ziren (txerri baten maskuri puztu eta lehortua) edo makil handi batzuekin auzokoak izutzeko asmoarekin. Normalean gizonak emakumez janzten ziren inor ez ezagutzeko, baina ere bazeuden emakumeak gizonez janzten zirenak. Kakarroen artean tunika beltz bat zeramana bereizten zen. Tunika zikina eta zaharra zen eta Kakarroak umeen atzetik ibiltzen zen. "Judas" bezala ezagutzen zen eta umeek Kakarro birigarro deitzen zuten. Saku bat zeraman eta horregatik "Zakuaren gizona" deitzen ziotela uste da.

Aupa!

Kaixo eta ongi etorri nire bloggera. Hemen Euskal Herriko inauteriei buruz hitz egingo dut. Euskal Herriko herri batzuetan inauteri bereziei buruz informazioa emango dut eta zuek komentatu ahal izango duzue.